ಸಾಹಿತ್ಯ ಮತ್ತು ಸಂಗೀತ:-ಉಪಾಸನಾ ಮೋಹನ್
ಗಾಯನ:-ಪಂಚಮ್ ಹಳಿಬಂಡಿ,ಉಪಾಸನಾ ಮೊಹನ್,ಮೇಘನಾ ಭಟ್,ಚಿನ್ಮಯಿ ಚಂದ್ರಶೇಖರ್
ದೇಶವೆ ಮೊದಲು ಎನ್ನೋಣ
ಭಾರತ ಮಾತೆಗೆ ನಮಿಸೋಣ
ಕಲಿಗಳ ಕವಿಗಳ ಯೋಧರ ಸ್ಮರಿಸಿ
ನಿತ್ಯ ಉತ್ಸವವ ಮಾಡೋಣ
ನಿತ್ಯೋತ್ಸವವನು ಮಾಡೋಣ ||
ದೇಶವ ಕಟ್ಟಲು ದುಡಿದವರೆಷ್ಟೋ
ಅವರ ತ್ಯಾಗವ ಸ್ಮರಿಸೋಣ
ದೇಶ ಪ್ರೇಮವೇ ನಾಡಿನ ಏಳಿಗೆ
ಕೋಟಿ ಕಂಠದಲಿ ಸಾರೋಣ
ನಿತ್ಯೋತ್ಸವವನು ಮಾಡೋಣ ||
ದೇಶದಿ ನೆತ್ತರು ಬೀಳದ ಹಾಗೆ
ವೈರಿ ಪಡೆಗಳನು ಹಣಿಯೋಣ
ಶಾಂತಿದೂತರು ನಾವೆನ್ನುತಲಿ
ವಿಶ್ವ ಪ್ರೇಮವ ಪಡೆಯೋಣ
ನಿತ್ಯೋತ್ಸವವನು ಮಾಡೋಣ ||
