ಸಾಹಿತ್ಯ:–ಕೆ.ಎಸ್.ನಿಸಾರ್ ಅಹಮದ್
ಸಂಗೀತ:–ಬಿ. ವಿ. ಶ್ರೀನಿವಾಸ
ಗಾಯನ:–ಮೈಸೂರು ಅನಂತಸ್ವಾಮಿ
ಮತ್ತೆ ಎಂದು ಮೆರೆವೆಯಮ್ಮ
ಕನ್ನಡಿಗರ ಪೊರೆವೆಯಮ್ಮ
ಕರ್ನಾಟಕಧೀಶ್ವರಿ
ಮುಗಿವುದೆಂದು ನಿನ್ನ ಪಾಡು
ಪುಟಿವುದೆಂದು ಹೊಸತು ಹಾಡು
ಅರಿನಾಶಿ ಅನಶ್ವರಿ ||
ಪರಭಾಷ ಜನರ ನಡುವೆ
ಪ್ರಾಗ್ವೈಭವ ರತ್ನದೊಡವೆ
ಕಳೆದುಕೊಂಡು ನೀನು ಬಡವೆ
ನಿನ್ನ ಮನೆಯೊಳೆ
ಗತಕಾಲದ ಭವ್ಯವೃಕ್ಷದಲ್ಲೇ
ನಿನ್ನ ಪಾದ ವರ್ಷ
ನಿನಗಿಲ್ಲವೆ ಸವಿಭವಿಷ್ಯ
ನಾಡಿನಿನಿಯೊಳೆ ||
ಅರಸುಗುವರರಂತೆ ಬಾಳಿ
ನೆರೆಯ ರಾಜ್ಯಗಳನು ಆಳಿ
ಮೆರೆದ ತನಯವಿಂದು
ಗಾಳಿಗೈಯ ತರಗೆಲೆ
ಮರೆತು ತಮ್ಮ ಕೀರ್ತಿ ತವರ
ಹೆರರ ಸೇವೆಯನ್ನು
ಬೆವರ ಸುರಿಸಿ ಕೈಯ
ತೊಳೆಯುತಿಹರು ಕಣ್ಣ ಹನಿಯೊಳೆ ||
ನಾಡಗುಡಿಗೆ ಹೊನ್ನ ಕಳಸ
ಕಾವ್ಯ ಕಲಾ ಬಿತ್ತಿಗೆಲದ
ಸಾಧನೆಗಳ ಧ್ವಜಸ್ಥಭ
ನಿಲಿಸಲಾಸೆ ಬಲಿಯಲಿ
ಜನಜೀವನ ಉನ್ನತ ಗುರಿ
ನವರಂಗದ ಭುವನೇಶ್ವರಿ
ಹೃದಯ ಗರ್ಭದಲ್ಲಿ ನುಡಿಯ
ರಾಜೇಶ್ವರಿ ನಲಿಯಲಿ ||
