ಸಾಹಿತ್ಯ ಮತ್ತು ಸಂಗೀತ:-ಉಪಾಸನಾ ಮೋಹನ್.
ಗಾಯನ:-ಉಪಾಸನಾ ಮೋಹನ್ ಮತ್ತು ಮೈತ್ರೇಯಿ ಎಂ.
ಗಣರಾಜ್ಯೋತ್ಸವ ಬಂದಿದೆ
ಸಡಗರ ನಾಡಿಗೆ ತಂದಿದೆ
ಸಂವಿಧಾನದ ಘನತೆಯ ಸಾರಲು
ಭಾರತ ಬಾವುಟ ಏರುತಿದೆ
ಬಾವುಟ ಹಾರುತ ಬೀಗುತಿದೆ ||
ಕಾನೂನು ಕಣ್ಣಿಗೆ ಎಲ್ಲರು ಒಂದೇ
ಹದ್ದುಮೀರದ ನಿಯಮವಿದೆ
ಸಮಾನತೆಯ ಸಹಬಾಳ್ವೆಯಲಿ
ದೇಶದ ಪ್ರಗತಿಯು ಸಾಗುತಿದೆ
ಭಾರತದೇಳಿಗೆ ಕಾಣುತಿದೆ ||
ಕಾನೂನು ಬರೆದ ಶಿಲ್ಪಿಯ ಸ್ಮರಿಸಿ
ಬಾಳುವ ನೀತಿಯ ಬೇಲಿಯಲಿ
ಕೆಡವಿ ಕೊಲ್ಲುವ ಮನಸನು ತಾಳದೆ
ಮೀಯುವ ಸ್ನೇಹದ ಕಡಲಿನಲಿ
ಭಾರತಾಂಬೆಯ ಮಡಿಲಿನಲಿ ||
