ಉದಯ ಗಗನದಲಿ ಅರುಣನ ಛಾಯೆ
ಸಾಹಿತ್ಯ:-ಕುವೆಂಪು
ಸಂಗೀತ:-ಇಂದೂ ವಿಶ್ವನಾಥ
ಗಾಯನ:-ಸಮೂಹ ಗಾಯನ
ಉದಯ ಗಗನದಲಿ ಅರುಣನ ಛಾಯೆ
ಜಗದ ಜೀವನಕೆ ಚೇತನವೀಯೆ
ನಿನ್ನಯ ಗಾನನ ಸುಮಧುರ ಮಾಯೆ
ವನದಿಂದಂಬರಕೇರುವುದು
ಕೋರಿಕೆಗಳ ಬಾಯಾರುವುದು || ಪ ||
ಪ್ರಭಾತ ಮೌನವನೆಚ್ಚರ ಮಾಡಿ
ಕಾಡು ನಾಡುಗಳ ತುಂಬಿ ತುಳುಕಾಡಿ
ಜಗನ್ನಿದ್ರೆಗೆ ಜೋಗುಳ ಹಾಡಿ
ಬ್ರಹ್ಮವನೆ ತೂಗಾಡುವುದೂ
ಕ್ರಾಂತಿಗೆ ಶಾಂತಿಯ ನೋ ಡುವುದೂ ||
ಓ ವನಗಾಯಕಾ... ವರವಾಗೀಶಾ...
ನಿನ್ನ ಕಾನನ ಕೂಜನ ಪಾಶಾ...
ಕಬ್ಬಿಗರಿಗೆ ಮುಕ್ತಿಯ ಆವೇಶಾ...
ಸ್ವರಛಾಪಕೆ ನೀ ಸ್ವರಬಾಣ... ||
ಕೇಳಿದರಲ್ಲದೆ ತಿಳಿಯದು ನಿನ್ನಾ
ಕಂಠದ ವೈಖರಿ ತುದಿಯಲಿ ನನ್ನಾ
ಸಾವಿನ ಬಯಕೆಯು ನಿನ್ನಾ ಗಾನ
ನಿನಗೆ ನಮೋ ಓ ಕಾಜಾಣ ||
