ಸಾಹಿತ್ಯ:-ಸಂತ ಶಿಶುನಾಳ ಶರೀಫ*
ಸಂಗೀತ:-ಸಿ. ಅಶ್ವಥ್
ಗಾಯನ:-ಸಮೂಹ ಗಾಯನ
ಸುಗ್ಗಿ ಮಾಡೋಣು ಬಾರವ್ವ ಗೆಳತಿ
ಸುಮ್ಮನ್ಯಾಕ ಕುಳತಿ || ಪ ||
ಅಗ್ಗದ ಫಲಗಳ ಕೊಯ್ಯಲಿಕ್ಕೆ ಹೊಲದೊಳು ಹೊಗ್ಗಿಲಿ ಕರೆದರ ಹಿಗ್ಗೀಲಿ ಹೋಗಿ ||ಅ.ಪ.||
ಹೊಲದವ ಕರೆದರೆ ಹೋಗಲಿಬೇಕು
ನೆಲೆಯನು ತಿಳಿಯಬೇಕು
ಕುಲದವರೊಂದು ಸಲಗಿಯ ಸಾಕು
ಬಲು ಜೋಕಿರಬೇಕು
ಹೊಲದೊಳು ಬೆಳದಿಹ ಹುಳ್ಳಿ ಮಿಕ್ಕಿ ಕಸ
ತಳದ ಕೋಲಿಯ ದಾಟಿ ಕೊಯ್ಯೋಣ ಗೆಳತಿ ||೧ ||
ಏಳೆಂಟು ಅಕ್ಕಡಿಯ ಎಣಿಸಿ
ನಮ್ಮ ಬಾಳನು ಅದರೊಳು ದಣಿಸಿ
ಕಾಳಕೂಟ ವಿಷ ಎಣಿಸಿ ದಂಟಿನ
ಸೋಲಗರೆಲ್ಲವ ಗಳಿಸಿ
ಬಾಳಿನ ರಾಗಿ ನವಣಿ ಸಜ್ಜಿಯ
ಓಲ್ಯಾಡುತ ಬಹು ರಾಗದಿ ಕೊಯ್ಯುತ ||೨||
ಶಿಶುನಾಳಧೀಶನೆ ಗುರುವೂ ಅವ
ಕರೆದಲ್ಲಿ ಹೋಗೋದು ತರವೂ
ಕಸವ ಕಳೆದು ಕೈ ಕುಡಗೋಲ ಹಿಡಿಯುತ
ಹಸನಾಗಿ ಹಲವರ ಹರಿವ ಮನವ ಸುಟ್ಟು ||೩||
