ಸಾಹಿತ್ಯ:-ಡಾ||ದೊಡ್ಡರಂಗೇಗೌಡ
ಸಂಗೀತ:-ಇಂದೂ ವಿಶ್ವನಾಥ
ಗಾಯನ:-ಶೃತಿ ಜಿ ರಾವ್&ಪೂಜಾ ರಾವ್
ಚೆಲುವಿನ ಗೀತೆ ಉಲಿದಿದೆ ಕೋಗಿಲೆ
ನಗೆಯನು ಬೀರಿ ನಲಿದಳು ಶ್ಯಾಮಲೆ ||
ಬಣ್ಣದಾ ಉಡುಗೆಯಲಿ ಹೂಗಳ ತೊಡುಗೆಯಲಿ
ದುಂಬಿಯಾ ರಾಗದಲಿ ಅಬ್ಬೆಯ ತಾನದಲಿ
ಹಿಗ್ಗುತಾ ಮೆರೆದಳು
ರೂಪಸಿ ಧಾರಿಣಿ ||
ತರುಲತೆ ಬಳುಕುತಲಿ ಲಾಸ್ಯವೇ ಮೈದುಂಬಿ
ಸೊಬಗಿನಾ ಕಣಿವೆ ಸಿರಿ ನೋಟವೇ ಕಣ್ತುಂಬಿ
ಮೂಡಣಾ ನೇಸರು ಬೆಳಕಾಗಿ ಅರಳಿ
ತಂಪಿನ ಕಂಪಿನ ರಸಗಂಧ ತೇಲಿ ||
ಗೊಂಚಕ್ಕೆ ಹಾರಿ ಹಾರಿ ರಮ್ಯ ಚೈತ್ರ ಬರೆದಾಗ
ಬಾನಲಿ ಮೋಡ ತೇಲಿ ನವ್ಯರೂಪ ಕಂಡಾಗ
ಹಿಗ್ಗುತಾ ಮೆರೆದಳು ರೂಪಸಿ ಧಾರಿಣಿ ||
